TAMWA, PEGAO NA ZAFELA ZAFANYA ZIARA VIJIJINI KUANGALIA MAFANIKIO NA CHANGAMOTO ZA WANANCHI-MRADI WA SWIL.

IMEANDIKWA NA HASSAN MSELLEM, PEMBA.

 

Katika kutamatisha uketelezaji wa mradi wa Uhamasishaji wa Wanawake katika Uongozi (SWIL) chama cha waandishi wa habari wanawake Tanzania ‘TAMWA’ Jumuiya Utetezi wa Mazingira na Kijinsia Pemba ‘PEGAO’ na Chama cha Wanasheria Wanawake Zanzibar ‘ZAFELA’ zimefanya ziara maalumu ya kuangalia mafanikio na kusikiliza changamoto katika Skuli ya Msingi Kunguni na Familia yenye watoto watano wenye ulemavu wa viungo katika kijiji cha Kwa-Azani Wambaa ili kuweza kuzipatia ufumbuzi changamoto hizo.

 

Rashid Omar Ali, ni mwalimu Mkuu wa Skuli ya Msingi Kunguni amesema kupitia mradi wa SWIL wamefanikiwa kuongeza idadi ya vyumba vya madarasa, matundu ya vyoo pamoja na walimu, mafanikio ambayo yamechangia kwa kiasi kikubwa kuongeza idadi ya ufaulu kwa wanafunzi wa darasa la saba kutoka wanafunzi wawili mwaka 2022 hadi wanafunzi saba mwaka 2023.

 


Aidha amesema licha mafanikio hayo bado wanakabiliwa na changamoto ya ukosefu wa maji na kuziomba taasisi hizo kuzungumza na mamlaka husika ili kuipatia ufumbuzi changamoto hiyo.


“Kwakweli mradi wa SWIL umetusaidia sana maana tukuiwa tuna changamoto nyingi sana ikiwemo uhaba wa madarasa matundu ya vyoo walimu na maji lakini kwasasa tumeongeza madarasa sana walimu saba na matundu ya vyoo tunashukuru si haba na ukiangalia hata idadi ya ufaulu wa wanafunzi umeongeza mwaka huu kwani tumepasisha wanafunzi saba na ikiwemo kipawa mmoja sasa hivi changamoto inayotukabili maji tu” alisema mwalimu mkuu huyo

 

Kwa upande wake mumahamishaji jamii Wilaya ya Mkoani Kassim Nassor Iddi, amesema mafanikio hayo yametokana na mikutano ya kijamii na kamati ya Skuli hiyo ambapo wananchi walieleza changamoto zinazoikabili Skuli hiyo na hatimae kuzifanyia kazi changamoto hizo.


Wakati huo huo Viongozi wa mradi huo wa SWIL waliitembelea familia yenye watoto sita wenye ulemavu wa miguu kwenye kijiji cha Kwa-Azani Wambaa ili kufahamu changamoto zinazoikabili familia hiyo nakuzipatia ufumbuzi kwa kushirikiana na wadau mbali mbali.


Fatma Simai Faki, ni mama mzazi wa watoto sita wenye ulemavu wa viungo amesema tatizo hilo la ulemavu wa miguu kwa watoto hujitokeza katika kipindi cha ukuaji hali inayopelekea kushindwa kutembea kwa watoto hao.

 

Alisema “Tatizo hili ulemavu wa miguu hawakuzaliwa nalo bali hujitokeza katika kipindi chao cha ukuwaji wakiwa na umri kuanzia miaka kumi na kuendelea huanza kutembea kwa shida sana kwani miguu yao huwa mizito sana wanashindwa kupiga hatua vizuri hutembea kwa kujiburuta na kuanguka anguka na kisha kushindwa moja kwa moja kutembea”

 

Alieleza changamoto zinazowakabili ni pamoja na kutokutambuliwa na jumuiya yoyote ya watu wenye ulemavu hali inayopelekea kukosa misaada mbali mbali ikiwemo matibabu ingawa amesema tayari wamepatiwa msaada wa viti mwendo viwili ambavyo alisema vinashindwa kukidhi mahitaji ya watoto hao kutokana umri wao na udhaifu wa viti mwendo hivyo.

 

“Tangu watoto wangu wapate matatizo haya sijaona taasisi yoyote wala kiongozi yeyote ambaye amekuja kutupatia msaada Fulani labda hivi karibu ndio ulikuja uongozi wa baraza la watu wenye ulemavu Wilaya ya Mkoani kupitia ufadhili wa wametupatia viti mwendo viwili navyo vimeshindwa kuwasaidia kwasababu hawa watoto ni wakubwa sasa kwa hivyo maringi ya hivi viti yanapinda hali inayopelekea viti hivyo kutokukidhi haya” alisema


Mkurugenzi wa PEGAO Hafidh Said Abdi, amesema katika utekelezaji wa mradi huo wa miaka minne wenye shebaha ya kuwafikia wananchi 6,000 Unguja na Pemba, wamefanikiwa kufakia wananchi 6,895 ambapo miongoni mwa wananchi hao wanwake ni 4,568 na wanaume ni 2,327 idadi ambayo tayari imefikiwa kwa upande wa kisiwa cha Pemba pekee.

 

Na kwa upande wa uhamasishaji jamii kupitia vyombo vya habari Mratibu wa Tamwa Kisiwani Pemba Bi. Fat-hiya Mussa Said, amesema jumla ya wananchi 2,194 ambapo miongoni mwa wananchi hao wanawake ni 1,222 na wanaume ni 972 pamoja na kuwajengea uwezo wandishi wa habari 166 ambao wameweza kuadika habari na malaka mbali mbali za takwimu za wanawake na uongozi zinazofikia 1,588.


Akizungumza kwa nyakati tofauti katika ziara hiyo Mratibu wa mradi wa ‘SWIL’ Bi. Mariam Ame, amesema kupitia mradi wa SWIL wamefanikiwa kuchangia katika utatuzi wa changamoto mbali mbali za kijamii ikiwemo kuwapatia vitambulisho vya Mzanzibari mkaazi kwa wananchi, vyeti vya kuzaliwa, ujenzi wa vituo vya mama na mtoto, ujenzi madarasa, kutoa misaada kwa watu wenye ulemavu na hali ngumu zakimaisha pamoja kuwahamasisha akina mama kujiunga na vyama vya sisasa ili waweze kupata nafasi ya kushiriki katika nafasi mbali mbali za uongozi kupitia vyama vyao vya siasa na Serikali kwa ujumla.

 


Ziara hiyo yenye lengo la kuangalia mafanikio na changamoto kupitia mradi wa ‘SWIL’ imewajumuisha viongozi wa Chama cha Wandishi wa Habari Wanawake Tanzania ‘Tamwa’ kanda ya Pemba, viongozi wa Jumuiya ya Utetezi wa Kimazingira na Kijinsia Pemba ‘PEGAO” pamoja na watendaji wa Jumuiya ya wanasheria wanawake Zanzibar ‘ZAFELA’.

 


Comments

Post a Comment

Popular posts from this blog

"Kumalizika kwa mradi wa SWIL isiwe sababu ya kubweteka kuzifanyia kazi changamoto za kijamii-CB" DC Chake Chake.

Image
Imeandikwa na Hassan Msellem, Pemba. Mkuu wa Wilaya ya Chake Chake Ndugu Abdalla Rashid Ali, amewataka Wahamasishaji Jamii (CB) Kisiwani Pemba ambao walikuwa wadau wakubwa katika utekelezaji wa Mradi wa uhamasishaji Wanawake katika Uongozi (SWIL) kuendelea kuzifanyia kazi changamoto zinazowakabili Wananchi ili ziweze kupatiwa ufumbuzi. Mkuu huyo wa Wilaya ametoa kauli hiyo huko katika ukumbi wa Maktaba Chake Chake wakati alipokuwa akifunga huo wa miaka minne, amesema kumalizika kwa mradi huo kumeweza kusaidia kwa kiasi kikubwa katika utatuzi wa changamoto mbali mbali za Kijamii na Uongozi kwa Wanawake. Mkuu wa Wilaya ya Chake Chake Ndg. Abdalla Rashid Ali. Mratibu wa Jumuiya ya Utetezi wa kijinsi na mazingira Pemba (PEGAO) Bi. Dina Juma Makota amesema kupitia mradi huo wamefanikiwa kuwafikia Wananchi 6,894 idadi ambayo imepindua shebaha ya mradi huo kwa upande wa Kisiwa cha Unguja na Pemba ambayo ni kuwafikia Wananchi 6000 kwa kipindi cha miaka 4 ya utekelezaji wake. Mratibu wa PEGAO B...
Read more

JUMUIYA YA ‘PEPOHUDA’ YATOA MAFUNZO KWA WASICHANA NA MSAADA WA TAULO ZA KIKE.

Image
 Imeandikwa Na, Hassan Msellem. Mwenyekiti Baraza la Mji Wete Bi. Zulfa Abdalla Saidi, akikabidhi taulo za kike kwa mwanafunzi. Wanafunzi Kisiwani Pemba wametakiwa kujiepusha na vitendo viovu ikiwemo mahusiano ya kimapenzi ili kuepukana na madhara yanayoweza kujitokeza. Kauli hiyo imetolewa na Mwenyekiti Baraza la Mji Wete Bi. Zulfa Abdalla Saidi, wakati akifunga mafunzo ya afya ya uzazi kwa wanafunzi wa Skuli ya Sekondari ya Chasasa yaliyotolewa na Jumuiya kupunguza umaskini na kuboresha maisha ya watu Pemba (PEPOHUDA) huko Jadida Wete, amesema kumekuwepo kwa taarifa za wanafunzi wanaojihusisha na mahusiano ya kimapenzi hali inayopelekea kufanya vibaya katika masomo yao pamoja na kushindwa kuendelea na masomo. Kwa upande wake mwakilishi kutoka Ofisi ya Mrajis wa jumuiya zisizo za Kiserikali Kisiwani Pemba Bi. Sada Abuubakar Khamis, amesema kutolewa kwa mafunzo hayo afya ya uzazi kwa wanafunzi hao kutawasaidia kukabiliana na changamoto mbali mbali ikiwemo kujikinga na mimba za ...
Read more